2009ko azaroan hasi zen Barrika Auzoz-Auzo, material begetala gaika biltzeko zerbitzua. Proiektu honen bidez, dagoeneko 23.284 kg batu dira. Datuen arabera bilketa hilerik-hile sendotzen doala egiaztatu da, azken lau hilabeteetan  bildu den material kopurua  are eta handiagoa izan baita. Batutakoaren % 80,32 adarrak izan dira, %18,47 Koniferak eta %1,2 belarra.

Kantitate gehien biltzen den inaus-guneak, ondorengoak dira:  Jonakoneko frontoi ondoko gunea, kantarranasekoa eta Itsaldeko parking atzeko gunea.

Orainarte bildu eta birrindutako material begetalarekin, maiatzerako 8.000 kg inguru konpost heldua edukitzea espero da, barazkigintzan erabiltzeko aproposa.